अब नहिं बिसरूं म्‍हांरे हिरदे लिख्‍यो हरि नाम -मीराँबाई

मीराँबाई की पदावली

परीक्षा अब नहिं बिसरूँ, म्‍हाँरे हिरदे लिख्‍यो हरि नाम । म्‍हाँरे संतगुरु दियो बताय, अब नहिं बिसरूँ रे ।। टेक ।। मीरा बैठी महल में रे, ऊठत बैठत राम । सेवा करस्‍याँ साध की, म्‍हाँरे और न दूजा काम । राणा जी बतलाइया, कह देणो जवाब । पण लागो हरिनाम सूँ, म्‍हाँरो दिन दिन दूनो लाभ । सीप भरयो पाणी पिवे रे, टाँक भरयो अत्र खाय । बतलायां बोली नद्दीं रे, राणोजी गया रिसाय । बिष रा प्‍याला राणाजी भेज्‍या, दीजो मेड़तणी के हाथ। कर चरणामृत पी गई, म्‍हाँरा सबल धणी का साथ । बिष को प्‍यालो पी गई, भजन करे उस ठौर । थाँरा मारी ना मरूँ म्‍हाँरो राखणहारो और । राणोजी मोपर कोप्‍यो रे, मारूँ एक न सेल । मारयां पराछित लागसी, म्‍हाँने दीजो पीहर मेल । राणो मोपर कोप्‍यो रे, रती न राख्‍यो मोद । ले जाती बैकुंठ में, यो तो समझ्यो वहीं सिसोद । छापा तिलक बनाइया, तजिया सब सिंगार । म्‍हें तो सरणे रामके, भल निन्‍दो संसार । माला म्‍हांरे देवड़ी, सील बरत सिंगार । अबके किरपा कीजियो, हूँ तो फिर बांधू तलवार । रथां बैल जुताय कै, ऊटाँ कसियो भार । कैसे तोड़ूँ राम सूँ, म्‍हाँरो भोभो रो भरतार । राणो साँड्यो मोकल्‍यो, जाज्‍यो एके दौड़ । कुल की तारण अस्‍तरी, या तो मुरड़ चली राठौड़ । साँड्यो पाछो फेर्यो रे, परत न देस्‍याँ पाँव । कर सूरापण नीसरी, म्‍हांरे कुण राणे कुण राव । संसारी निन्‍दा करे, दुखियो सब संसार । कुल सारो ही लाजसी, मीरा थें जो भया जी ख्‍वार । राती माती प्रेम की, बिष भगत को मोड़ । राम अमल माती रहे, धन मीरा राठोड़ ।।47।।

संबंधित लेख

मीराँबाई की पदावली

क्रम संख्या

पाठ का नाम

पृष्ठ संख्या

प्रथम भाग
1.	विषय प्रवेश	1
2.	मीराँबाई का जीवन-वृत	4
3.	मीराँबाई की रचनायें	9
4.	मीराँबाई की पदावली	11
5.	मीराँबाई तथा अन्य भक्त व कवि	40
6.	उपसंहार	55
द्वितीय भाग
मीराँबाई की पदावली (मूल पाठ और पाठान्तर)