अपनी भक्ति देहु भगवान -सूरदास

सूरसागर

प्रथम स्कन्ध

राग केदारौ अपनी भक्ति देहु भगवान। कोटि लालच जौ दिखावहु, नाहिनैँ रुचि आन। जा दिना तैँ जनम पायौ, यहै मेरी रीति। विषय-विष हठि खात, नाही डरत करत अनीति। जरत ज्‍वाला, गिरत गिरि तैं, स्‍वकर काटत सीस। देखि सा‍हस सकुच मानत, राखि सकत न ईस। कामना करि कोटि कबहुँ, किए बहु पसु-घात। सिंह –सावक ज्‍यौं तजैं गृह, इंद्र आदि डरात। नरक कूपनि जाइ जमपुर परयौ बार अनेक। थके किंकर-जूथ जम के, टरत टारैं न नेक। महा लालच, मारिबे की सकुच नाहिं न मोहिं। किए प्रन हौं परयौ द्वारैं, लाज प्रन की तोहिं। नाहिं काँचौ कृपा-निधि हौं, करौ कहा रिसाइ। सूर तबहुँ न द्वार छाँड़ै, डारिहौ कढ़िराइ।।106।। इस पद के अनुवाद के लिए यहाँ क्लिक करें