बरसगाँठि बृषभानु-कुँवरि की -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा कृष्ण जन्म महोत्सव एवं जय गान

राग मालव - ताल कहरवा बरसगाँठि बृषभानु-कुँवारि की कीरति गीत गवा‌ए जू। चंदन-‌अगर लिपा‌इ अरगजा, मोतिन चौक पुरा‌ए जू॥ नंदीसुर ते नंद जसोदा सहसुत न्यौति बुला‌ए जू। गोपी-गोप, गाय-गोसुत लै चलि बरसाने आ‌ए जू॥ तब वृषभान बड़े आदर सौं निज मंदिर पधरा‌ए जू। भीतर भवन जसोदा-कीरति मिलत परम सुख पा‌ए जू॥ जसुमति-कनिया तैं लालन लै कीरति गोद खिला‌ए जू। ब्रजरानी ल‌इ कुँवारि गोद ब्रजनारिन मंगल गा‌ए जू॥