बरसगाँठि बृषभानु-कुँवरि -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा कृष्ण जन्म महोत्सव एवं जय गान

राग परज - ताल कहरवा बरसगाँठि बृषभानु-कुँवारि की कीरति गीत गवा‌ए जू। मंगलचार करा‌ए बहु बिधि, घंटा-संख बजा‌ए जू॥ भाँति-भाँति के असन-बसन-भूषन बहुमोल मँगा‌ए जू। बिप्रन्हि न्यौति, जिमाय भली बिधि, तिन कौं दान करा‌ए जू॥ नंद-जसोदा-रोहिनि दा‌ऊ-कान्हा सँग लै आ‌ए जू। गोपी-गोप-सहित सब के मन अति आनंद भरा‌ए जू॥ स्वागत करि, बृषभानु-नृपति नैं सादर घर पधरा‌ए जू। कीरति-जसुमति मिलीं प्रेम सौं, आनँद उर न समा‌ए जू॥ कीरति कान्हहि, जसुमति, कुँवारिहि लै निज गोद खिला‌ए जू। मोदभरी नारी दुहुँ दिसि की हँसि-हँसि मंगल गा‌ए जू॥