बन तें घर हरि पहुँचे आय -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग गौरी - तीन ताल बन तें घर हरि पहुँचे आय। गावत, नाचत, ताल बजावत, आगें-पाछें गाय॥ पीत-हेम-‌अंबर सुभ सोहत, बन-माला गल राजत। बिबिध बिचित्र चित्र तनु मंडित, मुरली अधर बिराजत॥ अंग सकल गोधूलि-धूसरित, कुंचित कुंतल सोहत। गुँथे सुमन नव पल्लव जुत, सिखि-पिच्छ-मुकुट मन मोहत॥ कुंडल मकराकृत स्रुति सोभित, पुष्प कनेर सुरंगी। अरुनाभा स्यामल कपोल दमकत, दृग बंकिम भंगी॥ रुनझुन-रुनझुन किंकिनि बाजत, नूपुर पग झनकारत। ब्रज-नव-रमनि निरखि छबि मोहन, बरबस सरबस वारत॥