बड़े भाग्य हैं महर मरि के -सूरदास

सूरसागर

दशम स्कन्ध

राग कान्हरा बड़े भाग्य हैं महर मरि के। लै गयौ पीठि चढ़ाइ असुर इक, कहा कहौं उबरन या हरि के। नंदघरनि कुल-देव मनावति, तुम हीं रच्छक धरो-पहर के। जहँ तहँ तुमहिं सहाइ सदा हौ, जीवन हैं ये स्याम सहर के। हरष भए नँद करत बधाई, दान देन कहा कहौं महर के। पंच-सब्द-धुनि बाजत, नाचत, गावत मंगलचार-चहर के। अंकम भरि-भरि लेत स्याम कौं, ब्रज-नर-नारि अतिहिं मन हरषे। सूर स्याम संतनि सुखदायक, दुष्टनि कै उर सालक करषे।।607।।