बजावत मुरली मीठी तान -हनुमान प्रसाद पोद्दार

पद रत्नाकर -हनुमान प्रसाद पोद्दार

बाल-माधुरी की झाँकियाँ

राग बहार - तीन ताल बजावत मुरली मीठी तान। ठाढ़े बालरूप मन-मोहन मोहन मधु रस खान॥ कान उठाये सुनत चकित-मन हर्षित बत्स महान। सिखि सुस्थिर सर्वांग सुनत सुर करत दिव्य रस पान॥ मुख-छबि मनहर सरल सुशोभित अरुन अधर हर मान। नयन विशाल चमत्कारी अति, खींचत बरबस प्रान॥ कुंचित कच, सिर रतन-मुकुट, सिखि-पिच्छ, सुकुण्डल कान। कर कंकन, कटि करधनि, कूजत नूपुर, कल कल गान॥ हेरत हरत सहज मुनि-जन-मन, करत प्रेम निज दान। टूटत सकल बंध मायाके, मेटत मोह महान॥