फिरि करि नंद न उत्तर दीन्हौ -सूरदास

सूरसागर

दशम स्कन्ध

राग नट   फिरि करि नंद न उत्तर दीन्हौ । रोम रोम भरि गयौ वचन सुनि, मनहु चित्र लिखि कीन्हौ ।। यह तौ परंपरा चलि आई, सुख दुख लाभऽरु हानि । हम पर बबा मबा किए रहियौ, सुत अपनौ जिय नानि ।। को जलपै काके पन लागै, निरखि नदन सिर नायौ । दुःख समूह हृदय परिपूरन, चलत कठ भरि आयौ ।। अध-अध-पद भुव भई कोटि गिरि जौ लगि गोकुल पैठौ । ‘सूरदास’ अँस कठिन कुलिस तै, अजहुँ रहत तनु बैठौ ।। 3125 ।।