तरुनीं निकसि निकसि तट आईं -सूरदास

सूरसागर

दशम स्कन्ध

राग जैतश्री तरुनीं निकसि निकसि तट आईं। पुनि-पुनि कहत लेहु पट-भूषन, जुवती स्याम बुलाईं।। जल तैं निकसि भई सब ठाढ़ी कर अँग उर पर दीन्हे। बसन देहु आभूषन राखहु, हा-हा पुनि-पुनि कीन्हे।। ऐसैं कहा बतावति हौं मोहिं बाहँ उठाइ निहारौ। कर सौं कहा अंग उर मूँदौं, मेरे कहैं उघारौ।। सूर स्याम सोइ-सोइ हम करिहैं, जोइ-जोइ तुम सब कैहौं। लैहैं दाउँ कबहुँ हम तुमसौं, बहुरि कहाँ तुम जैहौं।।793।।