ठकुरायत गिरिधर की सांची -सूरदास

सूरसागर

प्रथम स्कन्ध

राग केदारौ              ठकुरायत गिरिधर की साँची। कौरव जीति जुधिष्ठिर-राजा, कीरति तिहूँ लोक मैं माँची। ब्रह्म-रुद्र डर डरत काल कैं काल डरत भ्रू-भँग की आँची। रावन सौ नृप जात न जान्‍यौ, माया विषम सीस पर नाची। गुरु-सुत आनि दिए जमपुरे तैं बिप्र सुदामा कियौ अजाची। दुस्‍सासन कटि-बसन छुड़ावत सुमिरत नाम द्रौपदी बाँची। हरि-चरनारबिद तजि लागत अनत कहूँ, तिनकी मति काँची। सूरदास भगवंत भजत जे, तिनकी लीक चहूँ जुग खाँची।।18।।