हौं हरिदास-दास कौ दास -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग काफी - तीन ताल हौं हरिदास-दास कौ दास। परम अनुग्रह करि पूरी प्रभु ने मो मन की आस॥ तन-मन, धन-जन, कछु नहिं मो पै, हौं चरननि कौ चेरौ। बड़भागी को मो सम, पायौ पद-कमलनि महँ डेरौ॥ नहिं कछु साधन कौ बल, हौं तौ दास-दास-पद-धूल। यहै एक अवलंब, परम बल, यहै सजीवन मूल॥ श्रीहरि के प्रिय दास, जानि मोहि निज दासनि कौ दास। सब अपराध छमा करि राख्यौ निज चरननि के पास॥