हरि किलकत जसुदा की कनियां -सूरदास

सूरसागर

दशम स्कन्ध

राग धनाश्री हरि किलकत जसुदा की कनियाँ। निरखि-निरखि मुख कहति लाल सौं, मो निधनी के धनियाँ। अति कोमल तन चितै स्याम कौ, बार-बार पछितात। कैसैं बच्यौ, जाउँ बलि तेरी, तृनावर्त कैं घात। ना जानौं धौं कौन पुन्य तैं, को करि लेत सहाइ। वैसौ काम पूतना कीन्हौ, इहिं ऐसौ कियौ आइ। माता दुखित जानि हरि बिहँसे, नान्ही दँतुलि दिखाइ। सूरदास प्रभु माता चित तैं दुख डारयौ बिसराइ।।81।।