हम तौ सब बातनि सचु पायौ -सूरदास

सूरसागर

दशम स्कन्ध

राग केदारौ    हम तौ सब बातनि सचु पायौ। गोद खिलाइ पिवाइ देह पय, पुनि पालनै झुलायौ।। देखति रही फनिग की मनि ज्यौ, गुरुजन ज्यौ न झुलायौ। अब नहिं समुझति कौन पाप तै, बिधना सो उलटायौ।। बिन देखै पल पल नहिं छन छन, ये ही चित ही चायौ। अबहिं कठोर भए ब्रजपतिसुत, रोवत मुँह न धुवायौ।। तब हम दूध, दही के कारन, घर घर बहुत खिझायौ। सो अब ‘सूर’ प्रगट ही लाग्यौ, योगऽरु ज्ञान पठायौ।।3535।।