हंसति सखनि यह कहत कन्‍हाई -सूरदास

सूरसागर

दशम स्कन्ध

राग रामकली हँसति सखनि यह कहत कन्‍हाई। जाइ चढ़ौ तुम सघन द्रुमनि पर, जहँ-तहँ रहौ छपाई।। तब लौ बैठि रहौ मुख मूंदै, जब जानहु सब आई। कूदि परौ तब द्रुमनि-द्रुमनि तैं, दै दै नंद-दुहाई।। चकित होहिं जैसैं जुवती-गन, डरनि जाहिं अकुलाई। बेनु-बिषान-मुरलि-धुनि कीजौ संख-शब्‍द घहनाई।। नित प्रति जाति हमारैं मारग, यह कहियो समुझाई। सूर स्‍याम माखन-दधि-दानी, यह सुधि नाहिंन पाई?।।1495।।