स्याम-स्वामिनी राधिके -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग पीलू - ताल कहरवा स्याम-स्वामिनी राधिके! करौ कृपा कौ दान। सुनत रहैं मुरली मधुर, मधुमय बानी कान॥ पद-पंकज-मकरंद नित पियत रहैं दृग-भृंग। करत रहैं सेवा परम सतत सकल सुचि अंग॥ रसना नित पाती रहै दुर्लभ भुक्त प्रसाद। बानी नित लेती रहै नाम-गुननि-रस-स्वाद॥ लगौ रहै मन अनवरत तुम में आठौं जाम। अन्य स्मृति सब लोप हों सुमिरत छबि अभिराम॥ बढ़त रहै नित पलहिं-पल दिय तुहारौ प्रेम। सम होवैं सब छंद पुनि, बिसरैं जोगच्छेम॥ भुक्त-मुक्ति की सुधि मिटै, उछलैं प्रेम-तरंग। राधा-माधव सरस सुधि करै तुरत भव-भंग॥