स्याम! तुम परम निठुर हम -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग भूपाली - तीन ताल स्याम! तुम परम निठुर हम जाने। कबहुँ न सुरति करत प्रेमिन की, करत करम मन-माने॥ हौं ब्रज जाय देखि आयौ निज आँखिन सब करतूत। चित चुराय तजि आ‌ए रोवत-बिलपत, ऐसे धूत॥ ब्रज-जुबतिन कै दे क्यौ मैंने स्रवत नयन नित नीर। छिनहूँ भूलि न सकौं लाड़िली कौ अति छीन सरीर जो तुम्हरे जिय नैक प्रेम है, जो उर करुना-लेस। तौ ब्रज जाय, मिलौ उन सौं पुनि, तजि यह माथुर भेस॥