सोहत जुगल राधे-स्याम -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव स्वरूप माधुरी

राग पीलू - तीन ताल सोहत जुगल राधे-स्याम। नील नीरद स्याम, गोरी राधिका अभिराम॥ पीत बसन सुनील तन पर लसत सोभा-धाम। नील सारी अति सुसोभित गौर देह ललाम॥ उभय अनुपम रूप-निधि, सृङ्गार के सृङ्गार। सील-गुन-माधुर्य-मंडित अतुल, सुषमागार॥ दिब्य देह, सुमन अलौकिक सुचि सदा अबिकार। सर्ब, सर्बातीत, निरगुन, सकल गुन आधार॥ प्रकृति-गत, नित प्रकृतिपर, रस दिब्य पारावार। एक नित जो, बने नित दो करत नित्य बिहार॥ करत अति पावन परस्पर प्रेममय ब्यौहार। स्व-सुख-बांछा-रहित पूरन त्यागमय आचार॥