सनकादिक नारद मुनि -सूरदास

सूरसागर

दशम स्कन्ध

राग काफी सनकादिक नारद मुनि, सिव बिरंचि जान। देव-दुंदुभी मृदंग, बाजे वर निसान।। बारन तोरन बंधाइ, हरि कीन्ह उछाह। ब्रज की सब रीति भई, बरसानैं ब्याह।। डोरनि कर छोरन कौं, आई सकल धाइ। फूली फिरैं सहचरि उर, आनँद न समाइ।। गज वर गति आवन मग, धरनि धरत पाउ। लटकत सिर सेहरो मनु सिखि सिखंड भाउ।। सोभित संग नारि अंग, सबै छबि बिराजि। गज रथ बाजी बनाइ, चँवर छत्र साजि।। दुलहिनि वृषभानु-सुता, अंग-अंग भ्राज। सूरदास देखौ श्री, दूलह ब्रजराज।।1074।।