सघन कुंज तै उठे भोरही -सूरदास

सूरसागर

दशम स्कन्ध

राग ललित सघन कुंज तै उठे भोरही, स्यामा स्याम खरे। जलद नवीन मिली मनु दामिनि, बरषि निसा उसरे।। सिथिल बसन तन नील-पीत दुति, आलस जुत पहिरे। स्रमजल-बुद कहूँ-कहुँ उड़गन, वदरनि मै निकरे।। भूषन बिबिध भाँति मेड़बारी, रतिरस उमँगि भरे। कागर अधर, तमोल नैन रँग, अँग-अँग झील परे।। प्रेमप्रवाह चली मनु सरिता, टूटी माल गरे। सोभा अमित बिलोकि 'सूर' प्रभु क्यौ सुख जात तरे।।2470।।