सखी ने आकर बात कही -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग गौड सारंग - तीन ताल सखी ने आकर बात कही॥ सुनत प्रिया प्रियतम कौ निस्चै, अतिसय हृदय दही। सुखी भ‌ई प्रिय-कुसल जानि, सुनि आवन की जू कही॥ ग्रीषम की बरती बयार में, भ‌ई बिषम असही। भ‌ई रीस पिय पर सुनि आवन, दया संग उमही॥ कह्यौ- ’छाँह बैठ‌इयौ, करि सीतल बयार तबहीं। सीतल-सुरभित सलिल पिय‌इयौ, करियौ हिरदै-चही॥ पुनि रिसा‌इ बैठी हौं तिन तैं, बोलूँगी न कही। घाम सहत आ‌ए, क्योंमेरी मानी बात नहीं’॥ भरि बिषाद-‌अभिमान, मान करि रही, कुरेदि मही। बैठी हर्ष-बिषाद भरे हिय, सोच न सकति सही॥