सखी इन नैनति तै घन हारे -सूरदास

सूरसागर

दशम स्कन्ध

राग मलार सखी इन नैननि तैं घन हारे । बिनहीं रितु बरषत निसि बासर, सदा मलिन दोउ तारे ॥ ऊरध स्वास समीर तेज अति, सुख अनेक द्रुम डारे । बदन सदन करि बसे बचन खग, दुख पावस के मारे ॥ दुरि दुरि बूँद परत कंचुकि पर, मिलि अंजन सौं कारे । मानौ परनकुटी सिव कीन्ही, बिबि मूरति धरि न्यारे ॥ घुमरि घुमरि बरषत जल छाँड़त, डर लागत अँधियारे । वूड़ते ब्रजहि 'सूर' को राखे बिनु गिरिवरधर प्यारे ॥3234॥