लाल हौं वारी तेरे मुख पर -सूरदास

सूरसागर

दशम स्कन्ध

राग जैतश्री लाल हौं वारी तेरे मुख पर। कुटिल अलक, मोहनि मन बिहँसनि, भृकुटी बिकट ललित नैननि पर। दमकति-दूध दंतुलिया बिहँसत, मनु सीपज घर कियौ बारिज पर। लघु-लघु लट सिर घूँधरवारी, लटकन लटकि रह्यौ माथैं पर। यह उपमा कापै कहि आवै, कछुक कहौं सकुचित हौं जिय पर। नव-तन-चंद्र-रेख-मधि राजत, सुरगुरु-सुक्र-उदोत परसपर। लोचन लोल कपोल ललित अति, नासा कौ मुकता रदछद पर। सूर कहा न्यौछावर करियै अपने लाल ललित लरखर पर।।93।।