लग लागन नहिं पावत स्‍याम -सूरदास

सूरसागर

दशम स्कन्ध

राग सारंग लग लागन नहिं पावत स्‍याम। तब इक भाव कियौ कछु ऐसौ, प्‍यारी-तन उपजायौ काम।। मिस करि निकट आइ मुख हेरयौ, पीतांबर डारयौ सिर वारि। यह छल करि मन हरयौ कन्‍हाई, काम-विबस कीन्‍हीं सुकुमारि।। पुलकि अंग, अँगिया दरकानी, उर आनँद अंचल फहरात। गागरि ताकि काँकरी मारै, उचटि उचटि लागति प्रिय-गात।। मोहन मन मोहिनी लगाई, सखिनि संग पहुँची घर जाइ। सूरदास प्रभु सौं मन अँटक्‍यौ, देह-गेह की सुधि बिसराइ।।1441।।