लंका हनुमान सब जारी -सूरदास

सूरसागर

नवम स्कन्ध

राग मारू   लंका हनूमान सब जारी। राम-काज सीता की सुधि लगि, अंगद-प्रीति विचारी। जा रावन की सकति तिहूँ पुर, कोउ न आाज्ञा टारी। ता रावन कैं अछत अछयसुत-सहित सैन संहारी। पूँछ बुझाइ गए सागर-तट जहँ सीता की बारी। करि दंडवत प्रेम पुलकित ह्वै, कह्यौ, सुनि राघव-प्यारी। तुम्हंरेहिं तेज-प्रताप रही बचि, तुम्हरी यहै अटारी। सूरदास स्वामी के आगैं, जाइ कहौं सुख भारी॥100॥