रोमावली-रेख अति राजति -सूरदास

सूरसागर

दशम स्कन्ध

राग कल्यान रोमावली-रेख अति राजति। सूच्छम बेष धूम की धारा, नव घन ऊपर भ्राजति। भृगु-पद-रेख स्याम-उर सजनी, कहा कहौं ज्यौं छाजति। मनहूँ मेध-भीतर दुतिया-ससि, कोटि-काम-दुति लाजति। मुक्ता-माल नंद-नंदन-उर, अर्द्ध सुधा-घट भ्राजति। तनु श्रीखंड मेध उज्वल अति, देखि महाबलि साजति। बरही-मुकुट इंद्र-धनु मानहुँ तड़ित दसन-छबि लाजति। इकटक रही बिलोकि सूर प्रभु, निमिषनि की कह हाजति।।638।।