राधा-माधव पद-कमल -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग पीलू - ताल कहरवा राधा-माधव-पद-कमल बंदौं बारंबार। मिल्यौ अहैतुक कृपा तें यह अवसर सुभ-सार॥ दीन-हीन अति, मलिन-मति, बिषयनि कौ नित दास। करौं बिनय केहि मुख, अधम मैं, भर मन उल्लास॥ दीनबंधु तुम सहज दो‌उ, कारन-रहित कृपाल। आरतिहर अपुनौ बिरुद लखि मोय करौ निहाल॥ हरौ सकल बाधा कठिन, करौ आपुने जोग। पद-रज-सेवा कौ मिलै, मोय सुखद संजोग॥ प्रेम-भिखारी पर्‌यौ मैं आय तिहारे द्वार। करौ दान निज-प्रेम सुचि, बरद जुगल-सरकार॥ श्रीराधामाधव-जुगल हरन सकल दुखभार। सब मिलि बोलौ प्रेम तें तिन की जै-जैकार॥