राखूँ उर-मंदिर बाँधि प्रेम की डोरी -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा के प्रेमोद्गार-श्रीकृष्ण के प्रति

लावनी दूसरी तर्ज - ताल कहरवा राखूँ उर-मंदिर बाँधि प्रेम की डोरी। खेलूँ प्रिय! तुम सँग सदा रंग-रस-होरी॥ तुम बनौ नित्य मम हृदय-सरोज-विहारी॥-मो दृग०॥ तुम बने रहो हरि! हार गले का सोभन। नित प्रेम-रसास्वादन का बढ़ै प्रलोभन॥ तुम-हम, बस, दो ही रहैं, न को‌ई दूजा। मैं करती रहूँ प्रान-धन नित रस-पूजा॥ त्रुटिभर न तुम्हें मैं बिलग करूँ हियहारी॥-मो दृग०॥ मम मुख-पंकज के मधुकर मधुर पि‌आरे। तुम प्रान-प्रान, मेरे नैनों के तारे॥ छूटै अग-जग की सुरति देखि तव मूरति। मुक्ती न पाय मो कूँ नित रहै बिसूरति॥ तुम में मैं घुल-मिल जऊँ, रहूँ न न्यारी॥-मो दृग०॥