रघुपति चित्त विचार-करयौ -सूरदास

सूरसागर

नवम स्कन्ध

राग धनाश्री सेतु-बंधन   रघुपति चित्त विचार-करयौ। नातौ मानि सगर सागर सौं, कुस-साथरी परयौ। तीनि जाम अरु बासर बीते, सिंधु गुमान भरयौ। कीन्हौा कोप कुँवर कमलापति, तब कर धनुष धरयौ। ब्रह्म-वेष आयौ अति व्याकुल, देखत बान डरयौ। द्रुम-पषान प्रभु बेगि मँगायौ, रचना सेतु करयौ। नल अरु नील बिस्वकर्मा-सुत, छुवत पषान तरयौ। सूरदास स्वामी प्रताप तैं, सब संताप हरयौ॥122॥