रघुपति अपनौ प्रन प्रतिपारयौ -सूरदास

सूरसागर

नवम स्कन्ध

राग मारू   रघुपति अपनौ प्रन प्रतिपारयौ। तोरयौ कोपि प्रबल गढ़, रावन टूक-टूक करि डारयौ। कहुँ भुज, कहुँ घर, कहुँ सिर लोटत, मनौ मद-मतवारौ। भभकत, तरफत स्त्रोपनित मैं तन, नाहीं परत निहारौ। छोरे और सकल सुख-सागर, बाँधि उदधि जल खारौ। सुर-नर-मुनि सब सुजस बखानत, दुष्टा दसानन मारौ। डरपत बरून-कुबेर-इंद्र-जम, महा सुमट न धारौ। रह्यौ मास कौ पिंड, प्रान लै गयौ वान अनियारौ। नव ग्रह परे रहैं पाटी-तर, कूपहिं काल उसारौ। सी रावन रघुनाथ छिनक मैं कियौ गीध को चारौ! सिर सँभारि लै गयौ उमापति, रह्यौ रूधिर कौ गारी। दियौ बिभीषन राज सूर प्रभु, कियौ सुरनि निस्तारौ॥159॥