मेरी तौ गति-मति तुम -सूरदास

सूरसागर

प्रथम स्कन्ध

राम मारू मेरी तौ गति-मति तुम, अनतहिं दुख पाऊँ ! हौं कहाइ तेरौ, अब कौन कौ कहाऊँ ! कामधेनु छाँड़ि कहा अजा लै दुहाऊँ ! हय गयंद उतरि कहा गर्दभ-चढ़ि धाऊँ ? कंचन-मनि खोलि डारि, काँच गर बँयाऊँ ? कुमकुम कौ लेप मेटि, काजर सुख लाऊँ ? पाटंबर-अंबर तजि, गूदरि पहिराऊँ ? अंब सुफल छाँड़ि, कहा सेमर कौं धाऊँ ? सागर की ल‍हरि छाँढि, छीलर कस न्‍हाऊँ ? सूर कूर, आँधरौ, मैं द्वार परयौ गाऊँ ?।।166।।