मूरख, रघुपति-सत्रु कहावत -सूरदास

सूरसागर

नवम स्कन्ध

राग मारू   मूरख, रघुपति-सत्रु कहावत? जाके नाम, ध्यान, सुमिरन तैं, कोटि जज्ञ-फल पावत! नारदादि सनकादि महामुनि, सुमिरत मन-बच ध्यावत। असुर तिलक प्रहलाद, भक्त बलि, निगम नेति जस गावत। जाकी घरनि हरी छल-बल करि, लायो बिलँब न आवत। दस अरु आठ पदुम बनचर लै, लोजा सिंधु बँधावत! जाइ मिलौ कौसल-नरेस कौं, मन अभिलाष बढ़ावत। दै सीता अवधंस पाइँ परि, रहु लंकेस कहावत। तू भूल्यौ दससीस बीस भुज,मोहिं गुमान दिखावत। कंध उपारि डारिहौं भूतल, सूर सकल सुखपावत॥133॥