मुरली धुनि बैकुंठ गई -सूरदास

सूरसागर

दशम स्कन्ध

राग बिहागरौ मुरली धुनि बैकुंठ गई। नारायन-कमला सुनि दंपति, अति रुचि हृदय भई।। सुनौ प्रिया यह वानी अद्भुत, वृंदाबन हरि देखौ। धन्य-धन्य श्रीपति मुख कहि-कहि, जीवन ब्रज की लेखौ।। रास-बिलास करत नंद-नंदन, सो हमतैं अति दूरि। धन्य बन-धाम, धन्य व्रज-घरनी, उड़ि लागै जौ धूरि।। यह सुख तिहूँ भुवन मैं नाहीं, जो हरि सँग पल एक। सूर निरखि नारायन इकटक, भूले नैन निमेष।।1064।।