मुरलिया बाजी रे बाजी -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग पूरिया - तीन ताल मुरलिया बाजी रे बाजी। जो जहँ जैसैं रही तहाँ तहँ तैसैं ही उठि भाजी॥ तन-मन, असन-बसन, पति-सुत-घर सब की सुधि बिसरा‌ई। चली बेगि आतुर सरिता ज्यौं, स्याम-समुँद कौं धा‌ई॥ को‌उ काहू की बाट न जो‌ई, का‌उ‌ऐ संग न लीनी। खिंचि चलि ग‌ई लोह-चुंबक-ज्यौं, भटू प्रेम-रँग-भीनी॥ जा‌इ मिली पिय सौं, मनभावति बस्तु अलौकिक पा‌ई। भुक्ति-मुक्ति, मैं-मेरी सगरी हरि महँ जा‌इ समा‌ई॥