मिले हनु, पूछी प्रभु यह बात -सूरदास

सूरसागर

नवम स्कन्ध

राग सारंग हनुमत-राम-संवाद   मिले हनु, पूछी प्रभु यह बात । महा मधुर प्रिय वानी बोलत, साखामृग, तुम किहिं के तात? अंजनि कौ सुत, केसरि कैं कुल पवन-गवन उपजायौ गात। तुम को बीर,नीर भरि लोचन, मीन हीन-जल ज्यौं मुरझात? दसरथ-सुत कोसलपुर-बासी, त्रिया हरी तातैं अकुलात। इहिं गिरि पर कपिपति सुनियत है, बालि-त्रास कैसैं दिन जात। महादीन, बलहीन, बिकल अति, पवन-पूत देखे बिलखात। सूर सुनत सुग्रीव चले उठि, चरन गहे पूछी कुसलात॥69॥