मानौ माई सबनि यहै है भावत -सूरदास

सूरसागर

दशम स्कन्ध

राग मलार मानौ माई सबनि यहै है भावत। अब उहिं देस स्याम सुंदर कहँ, कोउ न समौ सुनावत।। धरत न बन नव पत्र फूल फल, पिक बसंत नहिं गावत। मुदित न सर सरोज अलि गुंजत, पवन पराग उड़ावत।। पावस विविध वरन बर बादर, उमड़ि न अंबर छावत। दादुर मोर कोकिला चातक, बोलत बचन दुरावत।। ह्याँ ही प्रगट निरंतर निसि दिन, हठ करि विरह बढ़ावत। ‘सूर’ स्याम पर पीर न जानत, कत सरवज्ञ कहावत।। 3323।।