माधव! मो सम कौन अभागी -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग रासावरी - तीन ताल माधव! मो सम कौन अभागी॥ करौं न पलक याद मैं तुम्हरी, नाहिं भगति उर जागी। हाय-हाय करतहि दिन बीतत, जरौं नित्य चिंतागी॥ भय-बिषाद सौं भर्‌यौ रहौं, नित भटकत इत-‌उत भागी। मिलत न कतहुँ सांति-सुखमय थल, भोग-जगत जेहि लागी॥ नाथ! करहु अब सहज कृपा तुम, जागै तव बिरहागी। बनौं तुम्हारे पद-कमलनि कौ लघु सेवक बड़भागी॥