माधव! नित मोहि दीजियै -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग पीलू - ताल कहरवा माधव! नित मोहि दीजियै निज चरननि कौ ध्यान। सकल ताप हर मधुर सुचि, आत्यंतिक सुख-खान॥ सब तजि सुचि रुचि सौं सदा भजन करौं बसु जाम। रहौं निरंतर मौन गहि, जपौं मधुरतम नाम॥ मन-‌इंद्रिय अनुभव करैं नित्य तुहारौ स्पर्श। मिटैं जगत के मान-मद-ममता-हर्ष-‌अमर्ष॥ रति-मति-गति सब एक तुम, बनैं अनंत-‌अनन्य। तुम में भाव भरे हृदय जुरि हो जीवन धन्य॥