माई री गोबिंद सौं -सूरदास

सूरसागर

दशम स्कन्ध

राग धनाश्री माई री गोबिंद सौं, प्रीति करत तबहिं क्‍यौं न हटकी। यह तौ अब बात फैलि, भई बीज बट की।। घर घर नित यहै घैर, बानी घट घट की।। मैं तौ यह सबै सही, लोक-लाज पटकी।। मद के हस्‍ती समान, फिरति प्रेम लटकी। खेलत मैं चूकि जाति, होति कला नट की। जल रजु मिलि गाँठि परी, रसना हरि-रट की। छोरे तैं नाहिं छुटति, कैक बार झटकी।। मेटैं क्‍यौंहूँ मिटति, छाप परी टटकी।। सूरदास-प्रभु की छबि, हृदय माँझ अटकी।।1660।।