महा दुखित दोउ मेरे नैन -सूरदास

सूरसागर

दशम स्कन्ध

राग सारंग महा दुखित दोउ मेरे नैन । जा दिन तै हरि चले मधुपुरी, नैकु न कबहूँ कीन्हौ सैन ।। भरे रहत अति नीर न निघटत, जानत नहिं कब दिन कब रैन । महा दुखित अतिही भ्रम माते, बिन देखे पावत नहि चैन ।। जौ कबहूँ पलकौ नहि खोलति, चाहत चाहति मूरति मैन । छाँड़त छिन मैं ये जो सरीरहि, गहि कै व्यथा जात हरि लैन ।। रसना यहई नेम लियौ है, और नहीं भापै मुख बैन । 'सूरदास' प्रभु जबतै बिछुरे, तब तै सब लागे दुख दैन ।। 3242 ।।