महरि सबै नेवज लै सैंतिति -सूरदास

सूरसागर

दशम स्कन्ध

राग बिलावल महरि सबै नेवज लै सैंतिति। स्याम छुवै कहुँ ताकौं डरपति।। कान्हहिं कहति, इहाँ जनि आवै। लरिकनि कौं यह देव डरावै।। स्याम रहे आँगनहिं डराई। मन-मन हँसत मातु-सुखदाई।। मैया री मोहिं देव दिखैहै। इतनौ भोजन सब वह खैहै।। यह सुनि खीभत है नँदरानी। बार बार सुत सौं बिरुभानी।। ऐसी बात न कहौ कन्हाई। तू कत करत स्याम लँगराई।। कर जोरति अपराध छमावति। बालक कौ यह दोष मिटावति।। सूरदास प्रभु कौं नहिं जाने। हँसत चले मन मैं न रिसाने।।893।।