मधुपुरी गवन करत जीवन-धन -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग विभास - तीन ताल मधुपुरी गवन करत जीवन-धन। लै दा‌उ‌ए सँग सुफलक-सुत, सुनि जरि उठी ज्वाल सब मन-तन॥ भ‌ई विकल, छायौ बिषाद मुख, सिथिल भ‌ए सब अंग सु-सोभन। उर-रस जर्‌यौ, रहे सूखे द्वय दृग अपलक, तम व्यापि गयौ घन॥ लगे आय समुझावन प्रियतम, पै न सके, प्रगट्यौ विषाद मन। बानी रुकी, प्रिया लखि आरत, थिर तन भयौ, मनो बिनु चेतन॥ भावी विरहानल प्रिय-प्यारी जरन लगे, बिसरे जग-जीवन। कौन कहै महिमा या रति की, गति न जहाँ पावत सुर-मुनि-जन॥