भीजत रीझत दो‌ऊ आवत -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग गौड़ मलार - ताल त्रिताल भीजत रीझत दो‌ऊ आवत। रंग हिंडोरै झूलि मुदित मन सखियन मन सरसावत॥ उमगि-‌उमगि घन घनन-घनन धुनि गरजत भय उपजावत। चपला चमकि-चमकि छिन-छिन में घटा-छटा छहरावत॥ नाचत मोर मदन-मदमाते आनँद रस बरसावत। प्रेमरसग्य पपीहा पी-पी धुनि करि मोद बढ़ावत॥ कदम-छाँह ठाढ़े भ‌ए दो‌ऊ अंग-‌अंगनि लपटावत। प्रिया-देह ढाँपी निज कामरि नेह ते मेह बचावत॥