भलौ ब्रज भयौ धरनि तै स्वर्ग -सूरदास

सूरसागर

दशम स्कन्ध

राग मलार भलौ ब्रज भयौ धरनि तै स्वर्ग । तब इन पर गिरि, अब गिरि पर ये, प्रोति किधौ यह दुर्ग ।। सुर बासुर छल बाल बारि गढ़, अत्र अवधि मिलि खूटी । प्रिय पति बिरह मदन गढ़ घेरयौ, एकौ अलँग न टूटी ।। नैन तड़ाग, स्रवन मूरति मठ, जत्र सकत बार बानी । राम केलि घन पौरि कोट मनु, देखि अमर रजधानी ।। गोरभन गोला गजैन, घन घमिं दुदुभिनि रोकी । कटक रोम कँगूरनि प्रति मनौ आनी अपनी चौकी ।। चढ़त त्रिभगी सजि साजि मत, धँसत नहीं पल आँखी । देखहु ‘सूर’ सनेह स्याम कौ, गगन मँडल हम राखी ।। 3221 ।।