भक्ति कब करिहौ जनम सिरानौ -सूरदास

सूरसागर

प्रथम स्कन्ध

राग धनाश्री भक्ति कब करिहौ, जनम सिरानौ। बालापन खेलतहीं खोयौ, तरुनाई गरबानौ। बहुत प्रपंच किए माया के, तऊ अधम अधानौ। जतन-जतन करि माया जोरी, लै गयौ रंक न रानौ। सुत-बित-बनिता-प्रीति लगाई, झूठे भरम भुलानौ। लोभ्‍-मोह ते चेत्‍यौ नाहीं, सुपनैं ज्‍यौं डहकानौ। बिरध भऐं कफ कंठ बिरौध्‍यौ, सिर धुनि-धुनि पछितानौ। सूरदास भगवंत-भजन बिनु, जम कें हाथ बिकानौ।।329।।