बाल विनोद भावती लीला -सूरदास

सूरसागर

दशम स्कन्ध

राग सारंग बाल-विनोद भावती लीला, अति पुनीत मुनि भाषी। सावधान ह्वै सुनौ परीच्छित, सकल देव मुनि साखी। कालिंदी कै कूल बसत इक मधुपुरि नगर रसाला। कालनेमि अरु उग्रसेन-कुल, उपज्यौ कंस भुवाला। आदि-ब्रह्म-जननी, सुर-देवी, नाम देवकी बाला। दई बिवाहि कंस बसुदेवहिं , दुख-भंजन, सुख-माला। हय-गय-रतन-हेम-पाटंबर, आनंद-मंगलचारा। समदत भई अनाहत बानी, कंस-कान झनकारा। याकी कोखि औतरै, जो सुत, करै प्रान-परिहारा। रथ तैं उतरि, केस गहि राजा, कियौ खड्ग पटवारा। तब वसुदेव दीन ह्वै भाष्यौ, पुरुष न तिय-बध करई। मोकौं भई अनाहत बानी, तातैं सोच न टरई।