बारुनि बल घूमिति लोचन बन -सूरदास

सूरसागर

दशम स्कन्ध

राग सारंग बारुनि बल घूमिंति लोचन बन, विहरत मन सचुपाए । मनौ मत्त गजराज बिराजत, करिनि जूथ सँग लाए ।। मुकुलित केस सुदेस देखियत, नील बसन लपटाए । भरि अपने कर कनक कटोरा, पीवत प्रियहिं चखाए ।। हँसत रिसात बुलावत बरजत, तरजत भौंह चढ़ाए । उदित मुदित उठि चलत डगमगत अनुज सुरति जिय आए ।। इंदु बदन भुवधरन अमित बल, बर बनियत के भाए । सरबस रीझि देव अपनै रस, 'सूरदास' गुन गाए ।। 4201 ।।