बांधौं आजु कौन तोहिं छोरै -सूरदास

सूरसागर

दशम स्कन्ध

राग सारंग बाँधौं आजु कौन तोहिं छोरै। बहुत लँगई कीन्‍हौ मोसौं, भुज गहि रजु ऊखल सौं जोरै। जननी अति रिस जानि बँधायौ, निरखि बदन, लोचन जल ढोरै। यह सुनि ब्रज-जुवतीं सब धाई कहति कान्‍ह अब क्‍यौं नहिं छोरै। ऊखल सौं गहि बाँधि जसोदा, मारन कौं साँटी कर तोरै। साँटी देखि ग्‍वालि पछितानी, विकल भई जहँ-तहँ मुख मोरै। सुनहु म‍हरि ऐसी न बूझिऐ सुत बाँधति माखन दधि थोरैं। सूर स्‍याम कौं बहुत सतायौ, चूक परी हम तैं यह भोरैं।।344।।