बनहिं बन स्याम चरावत गैया -हनुमान प्रसाद पोद्दार

पद रत्नाकर -हनुमान प्रसाद पोद्दार

बाल-माधुरी की झाँकियाँ

राग भैरवी - ताल दीपचंदी बनहिं बन स्याम चरावत गैया॥ सुभग अंग सुखमा को सागर कर बिच लकुट-धरैया। पीत बसन दमकत दामिनि सम, मुरली अधर बजैया॥ धावत इत-‌उत दा‌ऊ के सँग, खेल करत लरिकैयाँ। गैयन के पाछे नित भाजत, नंदराय कौ छैया॥ धन्य-धन्य वे व्रजकीं धूमरि-धौरी-कारी गैया। जिनहि पियावत जल जमुना-तट ठाढ़ो आपु कन्हैया॥