बंदौं हरि-पद पंकज पावन -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग सूहा - तीन ताल बंदौं हरि-पद-पंकज पावन। विधि-हर-सुर-रिषि-मुनिजन-बंदित, सुमिरत सब अघ-‌ओघ-नसावन॥ जे पद-पद्म-पराग परसि पुनि गोतम-तिय भ‌इ भावनि भामिनि। जे पद-पद्म-पराग परसि सुरसरि-जल अघ धोवत दिन-जामिनि॥ जे पद-पद्म भूमि-लक्ष्मी-‌उर-मंदिर सुचि नित रहत बिराजित। जे पद-पद्म प्रेम-रस-पूरित ब्रज-जुवतिन-‌उरोज रह रजित॥ जे पद-पद्म भक्त-संतनि के हियँ अति सुख सौं बसत निरंतर। ते पद-पद्म बसहु लोलुप के धन-जिमि नित मेरे उर-‌अंतर॥