फिरि ब्रज आइयै गोपाल -सूरदास

सूरसागर

दशम स्कन्ध

राग केदारौ फिरि ब्रज आइयै गोपाल । नद-नृपति-कुमार कहिहै, अब न कहिहै ग्वाल ।। मुरलिका धुनि सप्त दिसि दिसि, चलौ निसान बजाइ । दिगविजय कौ जुवति-मडल-भूप परिहै पाइ ।। सुरभि सखा सु सैन भट सँग, उठैगी खुर रैन । आतपत्र मयूर चंद्रिका, लसत है रविऐन ।। मधुप बंदी जन सुजस कहि, मदन आयसु पाइ । द्रुम-लता-बन कुसुम बानक, बसन कुटी बनाइ ।। सकल खग मृग पैक पायक, पौरिया, प्रतिहार । ‘सूर’ प्रभु ब्रज राज कीजै, आइ अबकी बार ।। 3227 ।।